【澳門某宗教背景青年機構 】學生輔導員收入

公司: 澳門某宗教背景青年機構
職位: 學生輔導員
收入: 25,000 X 12(大約) + 每半年半份雙糧
工作年資: 1-3年
職業評分(5分滿分)
收入評價:3
晉升前景:2
快樂指數:1
工時: 正常係機構就7個鐘,但係學校就睇返學校情況,每間學校都唔同,有時7個半或8個,一周5日半,或者連返14日(未計OT)
工作範圍: 學校輔導(有關學校GE野都會關你事,唔理學生或校內人員GE野,學校叫得你,十成有九成你都要做)會務活動,暑期活動,不定時帶CAMP等

晉升前景: 早前有同路人講過,機構內部要升除非你埋到堆,我想補充,仲要有年資,同埋就算升左,你都係比佢地踩係腳下,雖然職位叫有所提升,但同時工作量增加,人工都係多果少少,而且因為基本上職位有限,除非有組長考到政府或教青開多左好多位,否則位就得咁多,你話點會升到? 學唔學到野?你會學到好多『人際技巧』,因為需要埋堆,同時會由組長級以上既人身上,你亦都會學到咩叫『語言技巧』、『說話GE「偽」術』,除此以外,機構會有培訓既,但好多都未必實用。 仲有,唔好諗住組長會教到你好多野,可能佢都唔識問返你轉頭,又或者問非所答。

福利: 福利方面,年假係有既,但佢口講平日唔會比你放,要學校都放假先得,但唔知點解有啲學校又可以放平日。

你有咩講: 首先都想講下點解會咁評分,人工方面,確實同其他機構比屬於中等,所以我會比3分,但升職真係難,所以我會比2分,快樂指數?我會問你,當你不斷被否定,當你大部份時間不被支援,意見不被重視,快樂到嗎? 與同事上司相處好嗎?呢個真係睇組長,部份都對你客客氣氣既,但係有D又會反你眼啦、言語攻擊你啦,成日以為自己講D野好好笑啦,仲可能會跣你一獲,如果你接受到既,咁相處都OK GE。 工作富挑戰性嗎?日日被挑戰,無論學校、學生,機構都挑戰緊你EQ、IQ。 對公司管理有什麼建設性的建議?建議訓練好班組長先,包括待人處事、實務上GE野,唔好問返同事轉頭,亦唔好問非所答,唔係同事點會服?與此同時,高層都應該親自同學校確確實實講返同事既職責,唔好因為怕得罪學校而唔出聲,最後又話要同事自己同學校講,好喇,同事真係同學校講,有咩事你又話同事唔識講,講錯野。


最新留言:

  1. Avatar
  2. Avatar
  3. Avatar
  4. Avatar
  5. Avatar

===
關注本爆料平台後請記得填閣下的工作收入情況:
https://goo.gl/forms/dK8MejhtIJp71IM03
匿名分享所有關於返工的一切,趣事、好事、壞事,匿名x100:
https://goo.gl/forms/FUTgRi3Y4YzapBcJ3
有分享才有內容,有內容才會更精彩