Sales界老行尊的感悟,入行必讀!

Sales界老行尊的感悟,
錢多與錢少的抉擇,
句句肺腑真言,字字鏗鏘….
😥😥

by谷友分享:

仲記得讀完大學出黎個人好迷惘,唔知做咩工好,屋企冇乜錢,就只可以搵啲高人工既職業做下想改善生活,唔好話買樓買車,就係想平時去茶餐廳叫杯奶茶飲都唔怕心痛。

做sales都做左好幾年,都下定決心要退出呢個圈子。 好多人都講做呢行都講經驗,手上既客源,識得氹老世同客開心。所以學歷乜乜都假,讀書除左學知識外,一定要學識搞好同同學之間既關係,學校就係社會既投影。 做sales除左人工算得上唔錯(一年計平均每月都有3萬),一個月8-9日假,12日大假,每日返工就好似煎熬咁,唔好講疫情關係迫你搵客,平時星期六日都係不停叫客黎,交客。冇客比人鬧就預左。

本身自己就唔係啲吹到天花龍鳳既人,實事求是,但呢份工就唔太岩老實人做,做到牛咁勤力都冇用,冇數交就比人省,壓力大到爆炸。除非你個人本身中意吹水,同人溝通交際游刃有餘。 講返前景,做零售業梗係唔會永世做低層,一定要上位,上位就要同同期既人爭,不過做得sales講緊都係業績,你業績好,咁下次升職咪有份囉。就算背後做幾多野都冇用(執倉呀補貨呀)終於挨到升左職啦,先係地獄既日子,夾住係中間,上面比order要執行、下面又要教又要迫佢地聽話,真係兩面人咁做。承受兩面壓力。 好多人講啦,你唔會做死一個牌子架!好啦,跳呀跳,去到另一個最大既龍頭牌子,仲變態過以前,係呀人工算高福利好,但每日搞住你係一堆whatsapp, 就算收左工都要復,有action plan,放大假都要交客,去旅行都要問你點解冇客黎?

講左賣件貨比個客,經理轉個頭又話唔賣,要等佢買埋其他野先,同個客交待個客發爛渣指住係咁鬧冇口齒,呃佢。個心難過到一個點。自己做錯就抵死姐,明明係上面嘅人善變,講一套做一套。平時賣野比客真係氹個客買左先,講埋晒啲「你買左就有機會買到你想要既野啦!可能佢會比到好運你呢!」。同啲祈福黨差唔多,最後頂唔順轉出呢個圈子,新工人工得以前1/3,姐係新工做三年先等於以前做一年。差好遠,但,我開心😃 所以搵一萬/搵三萬、真係有得必有失。

===
關注本爆料平台後請記得填閣下的工作收入情況:
https://goo.gl/forms/dK8MejhtIJp71IM03
匿名分享所有關於返工的一切,趣事、好事、壞事,匿名x100:
https://goo.gl/forms/FUTgRi3Y4YzapBcJ3
有分享才有內容,有內容才會更精彩