2019年總結

踏入2019年尾,跟內地職場論壇風發一個年度總結,送舊迎新,希望明年更好!

2019年總結:
1. 工作:大學畢業10年,目前仍然在私企打工,在同一個部門工作都超過5年,自感個人能力實在有限,應該頗難升職,就算有得升都超慢…早幾年誤打誤撞有幸接觸某銷售行業,業餘時間都做呢個,其實同自己內向的性格南轅北撤,估都估唔到已經堅持左甘多年…
2. 收入:工作性收入方面,正職50萬+parttime 44萬=約94萬,當然銷售類工作一定涉及應酬同其他支出,金額都不少,扣曬應該大約85-90萬左右。投資性收入方面,都係做下定期、月供股票,非常有限,基本可以忽略不計。
3. 支出:小朋友教育支出最大,其他方面好在得到屋企人支持,基本上都係生活開支+旅行

2019年感想:
1. 累,真心累,一個人分身做兩個完全唔關事的行當真係好累。但完全不能停下來,因為深知道身邊有好多朋友優秀過我,我已經好好彩在職業瓶頸期遇上了另一個行業,並行發展,所以一定不能夠輕易放棄
2. 焦慮,真心焦慮,工作收入方面有一半都係浮動,今年唔知明年事。好羨慕做政府工的朋友(當然係430以上個D,最羨慕540以上個D),又好羨慕私企工作順利升職加薪的朋友,好想穩定,穩定真係好好。但有時候又好慶幸,覺得自己好好彩,心裡好矛盾

2020年期望:
1. 家人和自己平平安安,健健康康,身體係革命的第一本錢
2. 不要再迷茫和焦慮,要衷心明白和理解目前的狀態,做好自己手上的事
3. 要跨界發展一下目前的銷售工作,因為行業環境關係,有可能又踏入瓶頸,所以真係要度度仲有乜野類近範疇可以做
4. 持續學習投資,目前投資性收入實在太少,都係焦慮的主要來源之一,希望盡快解決呢個問題